Ձիթապտղի յուղը գեղեցկության և առողջության համար




Loading...

Ձիթապտղի յուղը կարելի է համարել առողջության և գեղեցկության պահպանման լավագույն միջոցը, որը մատչելի է և միշտ ձեռքի տակ: Ձիթապտղի և ձիթապտղի յուղի կանոնավոր օգտագործումն օգնում է կանխել մի շարք հիվանդություններ, ինչպես նաև պահպանում է մաշկի և մազերի գեղեցկությունը: Եթե մինչ օրս չեք օգտագործել ձիթապտղի յուղը սննդի մեջ և մարմնի խնամքի համար, ճիշտ ժամանակն է պարզելու, թե որոնք են նրա օգտակար հատկությունները:

Ձիթապտղի յուղը մազերի համար

Загрузка...

Ինչպես բոլոր բնական յուղերը, ձիթապտղի յուղը սնուցում է մազերը վիտամիններով և միկրո-տարրերով: Այն գործում է մազերի վրա որպես խոնավեցնող քսուք, սնուցում և կանխում է ճյուղավորման առաջացումը: Ձիթապտղի յուղը հիմնականում օգտագործում են դիմակների մեջ, որից հետո մազերը դառնում են հարթ, փայլուն և ստանում թավշյա փափկություն:

Ձիթապտղի յուղը մաշկի համար

Ձիթապտղի յուղի բաղադրության մեջ մտնող արժեքավոր միկրո-տարրերը շատ կարևոր են մաշկի համաի: Յուղը սնուցում է նույնիսկ մաշկի խորը շերտերը, դարձնում այն առաձգական և հարթ: Արդյունավետ միջոց է ձիթապտղի յուղով լոգանքը. ավելացրեք ջրին 5 ճաշի գդալ յուղ և աշխատեք մնալ ջրում մոտ մեկ ժամ:

Загрузка...

Ձիթապտղի յուղով կարելի պատրաստել մի քանի արդյունավետ դիմակներ, որոնք կօգնեն ազատվել մաշկի խնդիրներից, վերացնել հոգնածության նշանները և վերացնել սպիները:

Ձիթապտղի յուղը թարթիչների և հոնքերի համար

Եթե ունեք բարակ հոնքեր և ոչ խիտ թարթիչներ, ձիթապտղի յուղը կխթանի մազի աճը և կօգնի Ձեզ ձեռք բերել խիտ և երկար թարթիչներ:

Ձիթապտղի յուղը դիմահարդարման հեռացման համար

Եթե օգտագործում եք հատուկ դիմահարդարման յուղ, կարող եք փոխարինել այն ձիթապտղի յուղով, որն ավելի էֆեկտիվորեն կհեռացնի դիմահարդարումը, միևնույն ժամանակ կսնուցի մաշկը:

Загрузка...