9-ամյա Դավիթը բջջայինների 3D հենակներ է պատրաստում եւ վաճառում

Google-ով գտնում եմ 3D մոդելները, տեղափոխում ծրագրի մեջ, սարքում այնպես, որ ճիշտ տպի, հետո տպում․․․

Երեւանցի 9-ամյա Դավիթը բջջային հեռախոսի հենակների բիզնես է սկսել։ Դրանք պատրաստում է ինքնուրույն՝ ծննդյան 9-ամյակի առթիվ նվեր սացած 3D տպիչով։

«Google-ով գտնում եմ 3D մոդելները, տեղափոխում ծրագրի մեջ, սարքում այնպես, որ ճիշտ տպի, հետո տպում»,- պատմում է փոքրիկը, որից 5 օր է պահանջվել սովորել տպիչի օգտագործման կանոնները։

Դավիթը դեռ սկսնակ «բիզնեսմեն է», հաճախորդները հիմնականում հայրիկի ու պապիկի ընկերներն են։ Ուզում է ֆեյսբուքյան էջ ստեղծել, որպեսզի իր պատրաստած հենակները վաճառի նաեւ անծանոթներին ու ստացած եկամուտը ներդնի բիզնեսի մեջ։ Հենակները վաճառում է սկսած 500 դրամից․ «20 հատ վաճառել եմ արդեն, որը նյութ քիչ է տանում, դրանց փողը քիչ եմ դնում, որը շատ՝ շատ»։

Դավիթը վստահ է, որ իր բիզնեսը կհաջողվի, քանի որ մարդկանց համար պետքական իրեր է պատրաստում ։

Рубрикиkoks